ഇരട്ട വിരോധാഭാസം

ലോകമൊട്ടുക്കു  ഏറു  കൊണ്ട പട്ടിയെ പോലെ   ദ്രുത  ഗതിയിൽ  മുന്നോട്ടു  കുത്തിക്കവെ  , രാഘവൻ   ചിന്നു   ചേച്ചിയുടെ  കോലായിൽ  ഇരുന്നു  ലോകത്തെ അമ്പരപ്പോടെ  നോക്കി.



എന്താണ്  എല്ലാവര്ക്കും  സമയം  പതുക്കെ പോവുന്നത്. രാഘവൻ  ചിന്നു  ചേചിയോട്  ചോദിച്ചു  .

. ഓടി  കൊണ്ടിരിക്കുന്നവർക്കു  സമയം  മെല്ലെ  പോവുള്ളോ  രാഘവാ  . അവർക്കു  കൊറേ  ദൂരം  ഓടിയെത്തണ്ട  .
അതിനു  കൊറേ സമയം  വേണ്ടേ  . ആയുസ്സു  കൂട്ടാൻ  പറ്റില്ലാലോ  . ചിന്നു  ചേച്ചി  പറഞ്ഞു

ഞാൻ  പത്തു  മുപ്പതു  വര്ഷം  ഈ കോലായിൽ  ഇരുന്നു  പപ്പടം  പരത്തി .

ഇന്നും പരത്തുന്നു

  . നീ  എത്ര  കാലായി ഈ കോലായിൽ  വന്നിരിക്കാൻ  തുടങ്ങീട്ട്

അപ്പോൾ ൊവെളിച്ചതിനൊപ്പം  നിലം  തൊടാതെ  കുതിച്ച   കണ്ണപ്പേട്ടൻ , നാൽക്കവലയിൽ നിന്ന്  തന്റെയ  എട്ടു  കെട്ടിലേക്കു  തിരിയവേ , ഗൃഹാതുരത്വം  മൂത്തു , കാലങ്ങളായി  പപ്പടം പരത്തുന്ന  ചിന്നു ചേച്ചിയുടെ  കോലായിലേക്കു    നോക്കി  .


രാഘവനും  ചിന്നു ചേച്ചിയും  കാലത്തിലൂടെ  പിന്നോട്ട്  പോകുകയാണോ എന്ന്  കണ്ണപ്പേട്ടൻ സംശയിച്ചു  .


അത്ഭുതം  തന്നെ, സമയം  എത്ര  പതുക്കെയാണ് അവർക്കു രണ്ടു  പേർക്കും കടന്നു പോവുന്നത്  . കണ്ണപ്പേട്ടൻ  ഓർത്തു  .

ആബുലൻസ്  ഗോപിയേട്ടന്റെ  കട  കഴിഞ്ഞു  പോയത്  കണ്ണപ്പേട്ടൻ  അറിഞ്ഞില്ല .

രാഘവേട്ടനുംചിന്നു ചേച്ചിക്കും  സമയം  പതിയെ  പോകുന്നു

കണ്ണപ്പേട്ടനും  സമയം  പതിയെ പോകുന്നു  .

ഇതെന്ത്  മറിമായം  .

അപ്പൊ  രണ്ടു  പേരും  കൂടെ കൂട്ടിയ  ശാസ്താവിനോ ?

ലോകത്തിൻറെ  ഒപ്പം  മുന്നോട്ടോടിയ  കണ്ണപ്പേട്ടൻ  കൂടെ കൂട്ടിയ  ശാസ്‌താവിനാണോ  , ചിന്നു  ചേച്ചിയുടെ  കോലായിൽ ഇരുന്നു   പുറകോട്ടു  സഞ്ചരിച്ച  രാഘവേട്ടന്റെ  ശാസ്‌താവിനാണോ  പ്രായം കുറവെന്ന്  ആർക്കും  പറയാൻ കഴിഞ്ഞില്ല.

ശാസ്താവിന്  പ്രായം  എന്നുന്നുണ്ടോ  ? ..

വല്ലാത്ത  ഒരു  വിരോധാഭാസം  തന്നേ .